|
The
men, the music, the facts
|
|
||
| English - Castellano | ||||
|
The
men, the music, the facts
|
|
||
| English - Castellano | ||||
| 1981 | Decembro Despois dun accidente de tráfico formase o grupo en Vigo (Galicia, ó noroeste de España) con plantexamentos iconoclastas e neo-dadaístas nos textos : punk rock galego contra-lo aburrimento xeral. |
| 1982 | Xaneiro Maqueta con doce temas enviada ó programa "Esto no es Hawai" de Jesús Ordovás en Radio 3 (Radio Nacional de España) Xuño Publicase o EP "AYUDANDO A LOS ENFERMOS" en DRO unha das novas independentes que xurdiron nesa época. Novembro Primeiro álbum ¿CUANDO SE COME AQUÍ ? (DRO 82) con quince temas gravados en tres días : éxito de ventas alternativas. |
| 1983 | Xaneiro Actuacións en Rock Ola (Madrid), local clave para os novos grupos de todo o Estado. Gravación de dous temas para o programa Caja de ritmos de Televisión Española : se censura a súa emisión. Abril Germán Coppini (voz) deixa o grupo que grava o seu novo disco como trío en Setembro. Novembro Segundo álbum SINIESTRO TOTAL II : EL REGRESO (DRO, 83) con 21 temas e producido por Paco Trinidad. |
| 1984 | Xaneiro Novas actuacións en Madrid (Rock Ola), Valencia, Vigo , etc. Publícase o maxi-single SURFIN´ CCCP compartido con Os Resentidos e adicado ós líderes soviéticos mortos nesa época. Novembro Terceiro álbum Menos mal que nos queda Portugal (DRO, 84) tamén producido por Paco Trinidad : o punk da paso o power-pop e mais o rock. |
| 1985 | Maio Javier F. Soto (guitarra) únese ó grupo. Na xira do verán e grávanse algúns dos concertos (Valladolid, Vigo. etc.) Decembro Cuarto álbum Bailare sobre tu tumba (DRO, 85) cunha cara gravada no directo e outra no estudio. |
| 1986 | Marzo Recopilación de caras B e rarezas de GRANDES EXITOS (DRO, 86). Xira por toda España. |
| 1987 | Abril Sexto álbum De Hoy No Pasa (DRO, 87), derradeiro traballo producido por Paco Trinidad. Outubro Alberto Torrado deixa o grupo para unirse a Os REsentidos. Julián Hernández deixa a batería e pasa a cantar e tocar a guitarra. Siniestro Total e provisionalmente un trío con músicos de estudio. |
| 1988 | Abril Sétimo álbum Me Gusta Como Andas (DRO, 88), producido por Eugenio Muñoz : hard rock e rythm´n´blues con letras mais ácidas e menos optimistas. Únense ó grupo Segundo Grandío (baixo) e Ángel González (batería). Setembro Maxi-single ALÉGRAME EL DÍA (DRO, 88), primeira gravación como quinteto. |
| 1989 | Febreiro Video-clip dirixido por Antón Reixa do tema Hermano bebe . Agosto Viaxe a Arxentina para actuar en Bos Aires dentro dun ciclo de actividades galegas. |
| 1990 | Abril Oitavo álbum e primeiro disco de ouro EN BENEFICIO DE TODOS (DRO, 90), producido por Eugenio Muñoz e gravado en Madrid, como todo-los anteriores. Entra no grupo o 6º membro na sombra : Xosé Manuel Blanco, manager persoal. |
| 1991 | Xaneiro Creación de LOQUILANDIA, corporación que aglutina diversas actividades de ST (editorial, merchandising, etc.). Setembro Deixan DRO e firman coa multinacional BMG-Ariola. |
| 1992 | Febreiro Noveno álbum gravado en directo en Valencia con temas de todo-los anteriores : Ante Todo Mucha Calma (BMG-Ariola, 92), gravado e misturado por Eugenio Muñoz. Editase tamén en vídeo. |
| 1993 | Maio-Xuño Viaxe a Memphis (USA) para gravar con Joe Hardy, productor dos ZZ Top, Georgia Satelites, Jef Healey, etc. Setembro Publicase o décimo álbum Made in Japan (BMG-Ariola, 93), producido por Joe Hardy. Primeiro video-clip El hombre medicina , dirixido por Mikel Clemente. Decembro Segundo video-clip "Yo Dije Yeah" tamén dirixido por Mikel Clemente coa colaboración de Alex de la Iglesia, director da película Acción Mutante . Publicase unha biografía escrita por Jesús Ordovás : Siniestro Total : Apocalipsis con grelos . |
| 1994 | Xaneiro Miguel Costas deixa a banda que permanece como cuarteto. Xira de inverno en clubs pequenos con aparicións baixo outros nomes e tocando a música de Frank Zappa e outros vellos coñecidos (Revolver Club, Madrid ; Playa Club, A Coruña ; A Nasa, Santiago ; etc.). Abril Terceiro vídeo de Mikel Clemente "Cuenca Minera" . O derradeiro álbum Made in Japan publicase en Portugal. Setembro Final de xira do verán en Madrid. |
| 1995 | Marzo-Abril Gravación en Memphis de novo baixo a producción de Joe Hardy. Mikel Clemente roda imaxes ó longo do Mississipi para unha reportaxe e un novo video. Maio Publicación de Policlínico Miserable (BMG-Ariola, 1995), con dezasete temas e portada e debuxos de Daspastoras. Primeiro single e vídeo Y Yo Me Callo. Xuño Presentación do disco e a xira na Sala Revolver de Madrid coa incorporación ó saxo ea percusión de Jorge Beltrán. O vestiario o deseña Suso Montero. Novo vídeo con Mikel Clemente rodado en Urnieta (Guipúzcoa) da canción Solo los estúpidos tienen la conciencia tranquila. Agosto Gravación do tema satánico "Mi nombre es legión" para o disco da banda sonora da película "El día de la bestia" de Alex de la Iglesia. Setembro Novo single do Policlinico "Respeten Nuestro Dolor". Decembro Finalización da xira do Policlinico en Naron (A Coruña) . |
| 1996 | Xaneiro-Febreiro
Comeza de novo o traballo de composición: maqueta con doce temas en castelán, inglés e galego ( Facundo busca lío , Land of opportunity , O que ten cu ten medo , ...). Marzo Primeiros esbozos do proxecto Cultura Popular , co traballo de búsqueda exhaustiva por coleccións e arquivos polvorentos de temas españois de rock e pop de catro décadas. Mikel Clemente faise cargo da realización e produción da parte visual, coa colaboración de Iñaki Mintegui . José Luis Arrizabalaga aporta o concepto escenográfico. A idea é reproducir un atípico programa da TV (o escenario será un xigantesco televisor) onde nárrese unha atípica historia da música ibérica con actores, diapositivas e vídeo. Ante as dimensións do traballo, aparcase momentaneamente a composición de novo material e a vella e anhelada idea dun disco de blues. Abril Paralelamente ó proxecto Cultura Popular desenvolvese a xira '96 de ST. Dada a diversidade e renovación do repertorio grávanse varios dos concertos. O final de ano haberá material procedente das actuacións en Maceda (Galicia), Oviedo, Zaragoza, Madrid y Buenos Aires. Agosto Edición en videocasete de "La vida es deliciosa" (BMG-Ariola, 1996): unha recopilación de imaxes e música que, a modo de documental, describe o traballo mais a vida do grupo durante os seus dous derradeiros discos. Tamén inclúe todolos videoclips (algún inédito) e material en directo. Todo elo filmado e editado có habitual estilo e elegancia de Mikel Clemente e o seu séquito de impecables axudantes. Setembro Hall of Fame, discográfica independente, publica un CD titulado Unmatched (Tributo a Zappa) , recopilación de grupos españois versioneando ó mestre. Siniestro Total aporta-la gravación en directo de Camarillo Brillo e Stick it out , realizada na Sala Revolver de Madrid en Xaneiro do 1994. Outubro Os días 9 e 10 e tras sete meses de traballo, presentase no Palacio de Congresos e Exposicións de Santiago de Compostela o espectáculo audiovisual Cultura Popular . Concebido para a apertura do curso universitario 1996/97, gravase todala música en 32 pistas dixitais e unha unidade móbil fai o propio ca parte visual (escenografía, actores, proxeccións, cine e vídeo) baixo a supervisión de M. Clemente. Novembro Mesturas en ARDENT Studios (Memphis, USA), coa colaboración inestimable de Joe Hardy, da parte sonora de Cultura Popular . Fin da xira española '96 en Madrid (La Riviera) y Barcelona (Zeleste) nun fin de sema memorable por múltiples razóns. Decembro Sae á venda o novo disco do Xabarin Club da Televisión de Galicia ( A cantar con Xabarín Vol. III e IV: ¡Cada día somos mais! - Boa, 1996) que conten unha nova colección de temas de artistas galegos e portugueses. Siniestro Total aporta o tema O quen ten cu ten medo gravado con Kaki Arkarazo nos controles. ST tocan en Bos Aires na sala Dr. Jekyll o xoves 12. Ante o éxito de público repítese a actuación o domingo 15. Este reencontro co público americano significa mais ben o comezo dunha fermosa amizade da que xurden diversos proxectos para o futuro: publicación de discos, colaboracións, xiras, etc. |
| 1997
|
Xaneiro Reanúdase o traballo de composición do novo material e Segundo Grandío mestura o mellor do que se gravou en directo de 1996 con vistas a un álbum de publicación exclusiva na América Latina que terá o nome de Así empiezan las peleas . Febreiro Colaboración con entusiastas informáticos da Universidade de Granada para a construcción da páxina Web de Siniestro Total en Internet (www.siniestro.com). Marzo Firma dun novo contrato discográfico trala finalización do anterior con BMG-Ariola. Siniestro Total traballa a partires de agora con Virgin Records e o contrato inclúe a publicación de proxectos non estandar, unha vella aspiración da banda. O grupo é portada de El Pais de Las Tentaciones (suplemento do diario El Pais ) cunha foto que adapta conceptualmente a portada do White álbum dos Beatles. Abril O día 7 sae a rúa Cultura Popular en formatos CD e cassette (que contén todalas cancións do espectáculo) e mais o formato vídeo, que constitúe un documento completo en dinámica edición e montaxe de Mikel Clemente do que aconteceu en Santiago en outubro do 96. A presentación o día 9 na Sala Caracol de Madrid inclúe a interpretación de todolos temas en directo e unha adaptación para video-wall da parte visual. Siniestro Total comeza facer as maletas para unha nova viaxe a América que inclúe USA, México, Arxentina, Uruguai. Inaugurase o www.siniestro.com
|
| 1998 |
|
Foto Iñaki Mintegui
|
[Portada/Noticias]-[Discografía]-[Links]-[Chat ST]-[Libro de Visitas]-[Escribe una letra]
| Realizado por Siniestro Total y Equipo Geneura |
